ထောင်လွားခြင်း လက္ခဏာ

ယနေ့နက်ဖြန် ဤမည်သောမြို့သို့သွားကြကုန်အံ့၊ ထိုမြို့၌ တနှစ်ပတ်လုံးနေ၍ ကုန်သွယ်သဖြင့် အမြတ်ရအောင်
ပြုကြကုန်အံ့ဟု ဆိုတတ်သောသူတို့၊ နားထောင်ကြလော့။ နက်ဖြန်နေ့၌ အဘယ်သို့ဖြစ်မည်ကို သင်တို့မသိ
ကြ၊ သင်တို့အသက်သည် အဘယ်သို့သောအရာဖြစ်သနည်း။ ခဏထင်ရှားပြီးမှ ကွယ်ပျောက်တတ်သော အခိုးအငွေ့ဖြစ်၏။

(ယာကုပ် ၄း၁၃-၁၄)

ထောင်လွှားသောသူ

၁။ ထောင်လွှားသောသူသည် =

က။ မိမိအလိုအတိုင်း ကြံစည်သည်။
ခ။ မိမိဆန္ဒအတိုင်း စီမံကိန်းချသည်။

၂။ ထောင်လွှားသောသူသည် –

က။ ဘယ်နေ့ဘယ်ချိန်၌ အဘယ်မည်သောနေရာသို့ သွားမည်၊
ခ။ အဘယ်မည်သော စီးပွားကို လုပ်မည်၊
ဂ။ အဘယ်မျှလောက်သော အကျိုးအမြတ်ကို ရအောင်ရှာမည်ဟု ဆိုတတ်ကြသည်။

၃။ တစ်နည်းအားဖြင့်ဆိုသော်၊ ထောင်လွှားသောသူသည် –

က။ မိမိဘဝကို ပိုင်စိုးသကဲ့သို့ ကြံစည်တတ်သည်။
ခ။ အနာဂတ်ကို ကြိုသိထားသကဲ့သို့ စီမံကိန်းချတတ်သည်။
ဂ။ အချိန်နာရီတို့ကို ဆုပ်ကိုင်ထားသကဲ့သို့ စိတ်ကူးတတ်သည်။
ဃ။ ဘုရားသခင်ကို မိမိ၏စိတ်နှလုံးအတွင်းမှ ပယ်ထုတ်တတ်သည်။
ဤသည်ကား ထောင်လွှားခြင်း လက္ခဏာ ဖြစ်သည်။

နားထောင်၍ သတိပြုအပ်သော အမှန်တရား

၁။ ထောင်လွှားသောသူသည် အောက်ဖော်ပြပါစကားကို နားထောင်၍ –

က။ ကြားနားခွင့် ရှိသေးသည်။
ခ။ နားလည်ခံယူခွင့် ရှိသေးသည်။
ဂ။ ပြောင်းလဲခွင့် ရှိသေးသည်။

၂။ ထောင်လွှားသောသူ သတိပြုအပ်သော အမှန်တရားမှာ –

က။ မနက်ဖြန် ဘာဖြစ်မည်ကို အဘယ်သူမျှ မသိ။
ခ။ မိမိတို့အသက်သည်လည်း အဘယ်သို့ ဖြစ်မည်ကို မည်သူမျှ မသိ။
ဂ။ မိမိတို့အသက်တစ်ချောင်းသည် ခဏသာထင်ရှားပြီး ကွယ်ပျောက်တတ်သော မီးခိုးအငွေ့ဖြစ်သည်။

၃။ ဤအမှန်တရားနှင့် စပ်လျဉ်းပြီး သခင်ယေရှုသည် မိုက်မဲသောသူဌေး ဥပမာပေးခဲ့သည်။ (လုကာ ၁၂း၁၆-၂၁)