ထိုသခင်၌ ကျင်လည်ကြလော့ (၄၉)
လူထု ကျမ်းစာဖတ်ခြင်း
ဤစာကို သင်တို့သည် ဘတ်ပြီးမှ လောဒိကိမြို့ အသင်းတော်ကို ဘတ်စေကြလော့။ ထိုမြို့မှရသော စာကို လည်း သင်တို့ဘတ်ကြလော့။ (ကော ၄း၁၆)
ပရောဖက်စာများ
၁။ ရှေးခေတ်က ဘုရားသခင်၏ ပရောဖက်များသည်လည်း စာရေးကြရသည်။
၂။ သူတို့၏ ဟောကြားချက်များကို စုစည်းပြီး ရေးသားခဲ့ကြသည်။
၃။ စာအုပ်စာပေများသည် နောက်မျိုးဆက်သစ်များအတွက် အလွန်အရေးပါသော ပညာတိုက် ဖြစ်သည်။
၄။ ဓမ္မဟောင်းကျမ်းများပင်လျှင် အကျွနု်ပ်တို့အဖို့အလို့ငှာ ရေး သားခြင်း ဖြစ်သည် (၁ ကော ၁၀း၁၁)။
ပေါလု ပေးစာများ
၁။ စာရေးခြင်းဖြင့် တစ်နေရာနှင့် တစ်နေရာ ဆက်သွယ်ကြသည်။
၂။ စာအားဖြင့်လည်း အချင်းချင်းအပြန်အလှန် ဆက်ဆံကြသည်။
၃။ ပေါလုသည် စာရေး ပေးပို့ခြင်းဖြင့် အသင်းတော်များကို လမ်းညွှန်ခြင်း၊ တိုက်တွန်းခြင်း၊ ဆုံးမခြင်းနှင့် နှိုးဆော်ခြင်းများ စသည်တို့ လုပ်ဆောင်သည်။
၄။ သင်းအုပ်ပေးစာများ ရေးသားပေးပို့လိုက်ခြင်းဖြင့် ပေါလုသည် အသင်းတော်များကို စောင့်ရှောက်ခဲ့သည်။
၅။ ပရောဖက်စာများကဲ့သို့ ပေါလုရေးသားပေးပို့လိုက်သော စာများသည် ယုံကြည်ခြင်း၊ အသက်တာနှင့် အမှုတော်မြတ်အတွက် လွန်စွာ အရေးကြီးသည်။
က။ ဝိညာဉ်တော်အားဖြင့် ရေးသားခြင်းဖြစ်သည် (၂ ပေ ၁း၂၀-၂၁)။
ခ။ သင်းအုပ်ပေးစာများသည် ကျမ်းစာများ ဖြစ်ကြသည် (၂ပေ ၃း၁၆)။
ဤစာ …
၁။ လက်ရှိ ကောလောသဲသြဝါဒစာကို ရည်ညွှန်းသည်။
၂။ ဤသြဝါဒစာသည် “တစ်ယောက်တစ်လှည့်၊ အသင်းတော် တစ်ပါးပြီး နောက်တစ်ပါး” ဖတ်ကြရန် ရည်ရွယ်ထားသောစာ ဖြစ်သည်။
၃။ ဤစာကို ကောလောသဲအသင်းတော်က ဦးစွာဖတ်ပြီး၊ နောက်မှ လောဒိကိအသင်းတော်ကလည်း ဖတ်ကြရန် ဖြစ်သည်။
၄။ ထိုနည်းတူ၊လောဒိကိအသင်းတော်ဖတ်ပြီးသော စာ (ရှင်ပေါလု ရေးသော ပျောက်ဆုံးသောစာ) ကို ကောလောသဲအသင်းတော် ကလည်း ဖတ်ကြရန် ဖြစ်သည်။
၅။ “ကောလောသဲ” ဟုရေးထားသော နေရာ၌ “လောဒိကိ” ဟူ၍ လည်းကောင်း၊ “လောဒိကိ” နေရာ၌ “ကောလောသဲ” ဟူ၍ လည်းကောင်း ဖတ်ကြရမည်။
၆။ ယနေခေတ်၌လည်း မိမိတို့နာမည်၊ အသင်းတော်နာမည်ကို အစားထိုး၍ ဖတ်နိုင်ပေသည်။
ဘတ်ကြလော့
၁။ မဖတ်ဘဲ မနေရ။
၂။ ဖတ်ဖြစ်အောင် ဖတ်ရမည်။
၃။ အသင်းတော် တစ်ခုလုံးအနေဖြင့် ဖတ်ကြရမည်။
၄။ အစုလိုက်အဖွဲ့လိုက် ဖတ်ကြရမည်။
၅။ ကျမ်းစာကိုအတူတကွလေ့လာခြင်း၊အတူတကွ အနက်ဖွင့်ခြင်း၊ အတူတကွ လက်တွေ့ ဖော်ဆောင်ခြင်း တို့သည် အလွန် ကောင်း ပေသည်။
၆။ ယနေ့ခေတ် အဖွဲ့လိုက် “ကျမ်းစာလေ့လာခြင်း”သည်လည်း အလွန်လျောက်ပတ်သောအရာဖြစ်သည်။